About Books Fotoalbum Feed back Aduo files

Менинг китобларим




Қалбим Қиссаси



Голос сердца



Салом сизга Хоразмдан



Жайҳун Нидоси


 

ОЗОДЛИК ЯШАЙДИ

Бугун оилада унутилмас кун,
Ҳарким ўрнин олар стол ёнидан.
Иссиқ ширмойи нон ҳиди бурқсийди,
Элнинг неъмат тўла дастурхонидан.

Шодлик таронаси авжи пардада,
Боиси — озодмиз, ҳурмиз, бахтиёр.
Адолат яшайди қуёшдек омон,
Тарих ҳукми шундай, бу қатъий қарор.

Кеча ким эдигу ким бўлдик бугун,
Эртамиз ўхшамас бугунга ҳечам.
Ният шу — зулматда инграётганлар
Азиз бошидан ҳам кўтарилса ғам.

Байрам қиламизу хотирамизни,
Хаёл узоқларга олиб кетади.
Дарҳақиқат шундай — тўй-маросимда,
Дўстларни эсламоқ инсон одати.

Улар узоқларда, — келолмайдилар,
Ҳар лаҳза қимматли, олтиндай афзал.
Юз минг йилликларнинг муаммосини
Улар кураш билан қилмоқдалар ҳал.

Бу улуғ курашда жаҳонгир ўзбек,
Мадад қўлин чўзар аҳли инсонга.
Миллион-миллион дўстлар бахтни қўмсайди,
Дейдилар озодлик, тинчлик жаҳонга!

ҳамма шеърларни кўчириб олиш
Copyright Эгам Раҳим
Created by "ARSENAL D"