About Books Fotoalbum Feed back Aduo files

Менинг китобларим: Кулиб боққан бахт

Ушбу сатрлар Э. Раҳим ва С. Нодирматовларнинг "Кулиб боққан бахт" китобчасидан олинди. Муаллифлар Сарапоён қишлоғининг ўтмиши, бугунги куни ва келажаги хақида, пахтачилигининг юксак уфқлари тўғрисида ҳикоя қиладилар.

Оркага кайтиш

Кулиб боққан бахт

 

КУЛИБ ЮРГИН ДОИМ, ЖОНГИНАМ

Табассуминг яхши кўраман,
Сен шод бўлсанг, мен қувонаман,
Ранжиб қолсанг куйиб-ёнаман,
Атрофингда мен парвонаман,
Кулиб юргин доим, жонгинам.

Ҳаёт қурдик тошиб-қувониб,
Яхши кунлар ишқида ёниб,
Шодон бўлдик ўзликни таниб,
Бахтли ҳаёт сувидан қониб,
Кулиб юргин доим, жонгинам.

Эсингдами осуда дамлар,
Янги уйга қўйиб қадамлар,
Кўтарилиб бошлардан ғамлар,
Қутлаб келди яхши одамлар,
Кулиб юргин доим, жонгинам.

Неки топсак биз уйга қўша,
Рўзғор қилдик бут жўша-жўша,
Тўйлар бердик биз қўша-қўша,
Туҳмат гаплар қолади бўш-а,
Кулиб юргин доим, жонгинам.

Фарзанд кўрдик тўрт арслондай,
Инсон асли фарзанд билан бой,
Фарзанд олар юраклардан жой,
Сен бамисол кўкда менга ой,
Кулиб юргин доим, жонгинам.

Бор ҳаётда бол ҳам, заҳар ҳам,
Қувонч-севинч ва баъзида ғам,
Сенинг билан ўтган ҳар бир дам —
Бирлигимиз ҳар дардга малҳам,
Кулиб юргин доим, жонгинам.

Сен дунёга келиб кўрганим,
Сен туфайли одам бўлганим,
Илҳом билан жўшиб тўлганим,
ўамгин бўлсанг менинг ўлганим,
Кулиб юргин доим, жонгинам.

ҳамма шеърларни кўчириб олиш
Copyright Эгам Раҳим
Created by "ARSENAL D"