About Books Fotoalbum Feed back Aduo files

Аудио файллар

 

ЙИЛ ВА ИНСОН

Еллар ўпич олиб қочади,
Кўкда қуёш қош ўйнатар гоҳ.
Кўча-кўйлар тўлиб-тошади.
Дўстларимга ташлайман нигоҳ.
Боғ йўлларин оралаб, елиб,
Бардош бермай эрийди соя,
Тун чекинар тонгга йўл бериб,
Ва ҳатлаймиз бир зинапоя.
Эй умрга мезон-тарозу
Эй сиз йиллар, бепарво йиллар,
Сукут сақланг, — сўзлашмоқ
орзу —
Вақтни кўринг сиз раво йиллар.
Тақдир бизни қилган эгизак, —
Бир-бировга етакчи, ғамхўр.
Изимизда қолдириб безак
Юрадурмиз, қадамимиз зўр.
Бугун яна отландик йўлга,
Кетадурмиз илдам, ёнма-ён.
Олиб тарих тақдирин қўлга,
Йил билан тенг юрмоқда инсон.

ҳамма шеърларни кўчириб олиш
Copyright Эгам Раҳим
Created by "ARSENAL D"